മുട്ടചേർക്കാത്ത കിടിലൻ ചോക്ലേറ്റ് കേക്ക് തയ്യാറാക്കാം

ചോക്ലേറ്റ് കേക്കുകൾ ഇഷ്ടപെടാത്ത ചോക്ലേറ്റ് പ്രേമികൾ അധികം കാണില്ല ,മിക്ക കേക്കുകളിലെയും പ്രധാന ചേരുവ മുട്ട ആയിരിക്കും, എന്നാൽ മുട്ട ചേർക്കാത്ത സ്പെഷ്യൽ കേക്ക് ഉണ്ടാക്കിയാലോ

പ്രധാന ചേരുവകൾ

1 3/4 കപ്പ് മൈദ
1/4 ഗ്രാം കൊക്കോ പൗഡർ
1 കപ്പ് തൈര്
1 കപ്പ് പഞ്ചസാരപൊടി
1 ടീസ്പൂൺ ബേക്കിങ് പൗഡർ
1/2 ടീസ്പൂൺ അപ്പക്കാരം
ആവശ്യത്തിന് ഉപ്പ്
1/2 ടീസ്പൂൺ വാനില എസ്സെൻസ്
1/2 കപ്പ് വെണ്ണ
ആവശ്യത്തിന് ചോക്കലേറ്റ് ചിപ്സ്

തയ്യാറാക്കുന്ന വിധം

ഒരു ബേക്കിംഗ് പാൻ എടുത്ത് അതിൻ്റെ എല്ലാ കോണുകളിലും എണ്ണ ഉപയോഗിച്ച് ഗ്രീസ് ചെയ്യുക. കുറച്ച് മൈദ എടുത്ത് ഇതിൽ വിതറിയ ശേഷം മാറ്റി വയ്ക്കുക. മറ്റൊരു പാത്രം എടുത്ത് ഇതിലേക്ക് തൈര്, പൊടിച്ച പഞ്ചസാര എന്നിവ ചേർത്ത് കട്ടികൾ രൂപപ്പെടാതിരിക്കുന്നതുവരെ ഇളക്കുക. ഇതിനിടയിൽ ബേക്കിംഗ് സോഡയും ബേക്കിംഗ് പൗഡറും ഇതിലേക്ക് ചേർത്തു കൊടുക്കാം. കുമിളകൾ പ്രത്യക്ഷപ്പെടാൻ തുടങ്ങുന്നതുവരെ ഇളക്കിക്കൊണ്ടിരിക്കണം. അതിനുശേഷം മൈദ, കൊക്കോ പൗഡർ എന്നിവ ചേർത്ത് എല്ലാ ചേരുവകളും നന്നായി ഇളക്കുക. വെണ്ണ ചേർത്ത് ശേഷം ഇത് പൂർണ്ണമായും മിക്സ് ആവുന്നതുവരെ ചേരുവകൾ നന്നായി ഇളക്കിക്കൊണ്ടിരിക്കുക. വാനില എസ്സെൻസും ഉപ്പും ചേർത്തു കൊടുക്കാം.
ഇങ്ങനെ തയ്യാറാക്കിയ മിശ്രിതം ബേക്കിംഗ് പാത്രത്തിലേക്കൊഴിക്കുക. ഇപ്പോൾ ചോക്കോ ചിപ്പുകളും കഷണങ്ങളാക്കിയ ബദാമും ഇതിനു മുകളിൽ വിതറുക.മൈക്രോവേവിൽ പാകം ചെയ്തെടുക്കുക 10 മിനിറ്റ് മുൻപേ തന്നെ മൈക്രോവേവ് ഓവൻ പ്രീ-ഹീറ്റ് ചെയ്തു വയ്ക്കുക. കേക്ക് മൃദുവായി പാകമാകാനായി 35-40 മിനിറ്റെങ്കിലും ഓവനിൽ പാകം ചെയ്യുക. പാകമായി കഴിയുമ്പോൾ കേക്ക് നീക്കം ചെയ്ത് തണുപ്പിക്കാൻ വെച്ചശേഷം കഴിക്കാൻ ആരംഭിക്കാം.