ലോകത്തെ ഏറ്റവും സുരക്ഷിതമായ രാജ്യങ്ങളിൽ രണ്ടാം സ്ഥാനത്ത് യുഎഇ. ഗ്ലോബൽ ഫിനാൻസിന്റെ പുതിയ റിപ്പോർട്ടിലാണ് ഇക്കാര്യമുള്ളത്. യുദ്ധം, സമാധാനം, വ്യക്തിഗത സുരക്ഷ, പ്രകൃതിക്ഷോഭം എന്നിവ അടിസ്ഥാനമാക്കിയായിരുന്നു തിരഞ്ഞെടുപ്പ്.കോവിഡ് കൈകാര്യം ചെയ്ത രീതിയും പഠനവിധേയമാക്കി. ആരോഗ്യമേഖലയിലെ മികവും ലോകത്ത് ഏറ്റവും കൂടുതൽ പേർക്ക് (64.3%) രണ്ടു ഡോസ് വാക്സീൻ നൽകിയതുമാണ് യുഎഇക്ക് നേട്ടമായത്.
ഏറ്റവും സുരക്ഷിതമായ രാജ്യങ്ങളിൽ ഐസ്ലൻഡാണ് ഒന്നാം സ്ഥാനത്ത്. യുഎഇ രണ്ടാമതും ഖത്തർ മൂന്നാം സ്ഥാനത്തുമാണ്. സിംഗപ്പൂരാണ് നാലാമത്. ഫിൻലൻഡ്, മംഗോളിയ, നോർവെ, ഡെൻമാർക്ക്, കാനഡ, ന്യൂസിലൻഡ് എന്നീ രാജ്യങ്ങളാണ് തുടർന്നുള്ള സ്ഥാനങ്ങളിൽ.മറ്റു ഗൾഫ് രാജ്യങ്ങളായ ബഹ്റൈൻ 12 സ്ഥാനത്തും കുവൈത്ത് 18-ലും സൗദി അറേബ്യ 19-ാം സ്ഥാനത്തുമാണ്. 25-ാം സ്ഥാനത്താണ് ഒമാനുള്ളത്. 134 രാജ്യങ്ങളുള്ള പട്ടികയിൽ ഇന്ത്യൻ 91-ാമതാണ്. ഫിലിപ്പൈൻസാണ് ഏറ്റവും പിന്നിൽ.
Be the first to comment