പയര്‍ വര്‍ഗങ്ങളും പരിപ്പു വര്‍ഗങ്ങളുമെല്ലാം പ്രോട്ടീന്‍ സമ്പുഷ്ടമായ ഭക്ഷണങ്ങൾ ആണ്. ഇത്. ശരീരത്തിന് ആവശ്യമായ പല വൈറ്റമിനുകളും പയര്‍ വര്‍ഗങ്ങളില്‍ അടങ്ങിയിട്ടുമുണ്ട്. പയര്‍ വര്‍ഗങ്ങളുടെ ഗുണം ഇരട്ടിപ്പിയ്ക്കുന്ന രീതിയാണ് ഇത് മുളപ്പിച്ചു കഴിയ്ക്കുന്നതാണ് ഇത്. മുളപ്പിച്ചാല്‍ പ്രോട്ടീന്‍ കൂടുന്നു. ഇതു പോലെ തന്നെ പയര്‍ വര്‍ഗങ്ങള്‍ പൊതുവേ അസിഡിറ്റി പോലുളള പ്രശ്‌നങ്ങള്‍ക്ക് കാരണമാകുന്നുണ്ട്. ഇത് പരിഹരിയ്ക്കാനുള്ള വഴി കൂടിയാണ് ഇവ മുളപ്പിയ്ക്കുക എന്നത്. മുളപ്പിച്ച പയറിൽ ജീവനുള്ള എൻസൈമുകൾ ധാരാളം അടങ്ങിയിട്ടുണ്ട്. ഇത് ഉപാപചയ പ്രവർത്തനങ്ങൾ വർധിപ്പിക്കാൻ സഹായിക്കുന്നു. മാത്രമല്ല ദഹന സമയത്ത് രാസപ്രവർത്തനങ്ങളെ മെച്ചപ്പെടുത്താനും ഇവ നിങ്ങളെ സഹായിക്കുന്നു. ഭക്ഷണം വിഘടിപ്പിക്കാൻ ഈ എൻസൈമുകൾ സഹായിക്കുന്നു എന്നതിനാൽ തന്നെ പോഷകങ്ങളുടെ ആഗീരണം ഇത് സുഗമമാക്കുന്നു. ഇത്തരം പയറ് വർഗ്ഗങ്ങൾ മുളച്ച് വരുമ്പോൾ ഇവയിൽ ധാരാളം നാരുകൾ അടങ്ങിയിട്ടുണ്ട്. ഇത് ദഹനത്തെ നിയന്ത്രിക്കുകയും ചെയ്യുന്നു.മുളപ്പിച്ച പയറ് വർഗ്ഗങ്ങൾ കഴിക്കുന്നത് അസിഡിറ്റി പ്രശ്നങ്ങളെ ഇല്ലാതാക്കാൻ സഹായിക്കുന്നു. ഇത്തരത്തിൽ മുളപ്പിച്ച പയറ് വർഗ്ഗങ്ങൾ കഴിക്കുന്നത് വഴി ആസിഡിന്റെ അളവ് കുറച്ച് പിഎച്ച് നില നിയന്ത്രിച്ച് നിർത്തുന്നു. അസിഡിറ്റിയാണ് മിക്ക രോഗങ്ങൾക്കുമുള്ള കാരണം എന്ന് ആദ്യം തന്നെ അറിഞ്ഞിരിക്കുക.
മുളച്ച് വരുന്ന പയറ് വർഗ്ഗങ്ങളിൽ ഒമേഗ 3 ഫാറ്റി ആസിഡ് ധാരാളം അടങ്ങിയിട്ടുണ്ട്. അത് കൊണ്ട് തന്നെ ഇത് ഹൃദയത്തിന് വളരെ ഏറെ ഗുണങ്ങൾ ചെയ്യുന്നു. ഇവ നല്ല കൊളസ്ട്രോൾ കൂട്ടാൻ സഹായിക്കുന്നു എന്ന് മാത്രമല്ല അതോടൊപ്പം തന്നെ രക്തക്കുഴലുകളിലെയും ധമനികളിലെയും ചീത്ത കൊളസ്ട്രോൾ കുറയ്ക്കുന്നു. ഈന്റി ഇൻഫ്ലമേറ്ററി ഗുണങ്ങളും ഒമേഗ 3 ഫാറ്റി ആസിഡിനുണ്ട് എന്ന് തിരിച്ചറിയുക. ഇവ ഹൃദയത്തിന്റെ പ്രവർത്തനം വളരെ ഏറെ നല്ലതാണ്.മുളപ്പിച്ച പയറ് വർഗ്ഗങ്ങൾ രാവിലെ കഴിക്കുന്നത് ആരോഗ്യത്തിനും ശരീര ഊർജ്ജത്തിനും വളരെ ഏറെ നല്ലതാണ്. ഇങ്ങനെ ദിവസവും ചെയ്യുന്നതിലൂടെ ജീവിത ശൈലി രോഗങ്ങളെയും മറ്റും പെട്ടെന്ന് തന്നെ ഇല്ലാതാക്കാൻ സഹായിക്കുന്നു.മുളപ്പിക്കുന്ന ധാന്യങ്ങളിലെയും പയർ വർഗങ്ങളിലെയും ആരോഗ്യ ഗുണങ്ങൾ വർധിപ്പിക്കുന്നു എന്ന് മാത്രമല്ല പ്രധാനപ്പെട്ട ധാതുക്കളെ തടയുന്ന ഫൈറ്റിക് ആസിഡ് ഉൾപ്പെടെയുള്ള ആന്റി ന്യൂട്രിയന്റുകളും ഇവയിലടങ്ങിയിട്ടുണ്ട്. ഇവ ദഹനക്കേടും കോപവും ഉണ്ടാക്കുന്ന എൻസൈമുകളെ തടയാൻ സഹായിക്കുന്നു. അർബുദ കാരണമാകുന്ന ഏജന്റുകളിൽ നിന്നും ശരീരത്തെ സംരക്ഷിക്കുന്ന എൻസൈമായ ഗ്ലൂക്കോറാഫനിൻ മുളപ്പിച്ച പയറ് വർഗ്ഗങ്ങളിൽ 10 മുകൽ 100 ഇരട്ടി വരെ ഉണ്ട്. ഇവയിൽ നിരോക്സീകാരികളും ധാരാളം ഉണ്ട്. ഇത് ക്ലോറോഫില്ലിന്റെ പ്രവർത്തനം കൂട്ടുന്നു. ശരീരത്തെ ഡിടോക്സിഫൈ ചെയ്ത് ഓക്സിജന്റെ അളവ് വർധിപ്പിക്കാൻ സഹായിക്കുന്ന ഒന്നാണ് ക്ലോറോഫിൽ.
അകാല വാർധക്യത്തിന് ഏറെ സഹായകമാകുന്ന ഒന്നാണ് മുളപ്പിച്ച പയറ് രാവിലെ കഴിക്കുന്നത്. നിരവധി ആന്റി ഓക്സിഡന്റുകൾ മുളച്ചു വരുന്ന പയറ് വർഗങ്ങളിൽ അടങ്ങിയിട്ടുണ്ട്. പ്രായമാകലിന് കാരണമാകുന്ന ഡിഎണഎകളുടെ നാശം തടയാൻ മുളപ്പിച്ച പയറിന് സാധിക്കും എന്നത് കൊണ്ട് തന്നെ അകാല വാർധക്യം നേരിടുന്നവർക്ക് മുളപ്പിച്ച പയറ് വർഗങ്ങൾ കഴിക്കാവുന്നതാണ്
Be the first to comment