വളരെ സിംപിളായി ഇനി മംഗോ ബാർ തയ്യാറാക്കാം

ഈ ചൂടുകാലത്ത് ഐസ് ക്രീം, ജ്യൂസ് എന്നിവയൊക്കെയാണ് ആശ്വാസത്തിനായി നാം ആദ്യം അന്വേഷിക്കുന്നത്. ഇവ കഴിക്കുന്നത് നമ്മുടെ ശരീരത്തിന് കുളിർമ്മയും ഉന്മേഷവും നൽകും എന്നത് തീർച്ചയാണ്. അപ്പോൾ പിന്നെ ഒരു മംഗോ ബാർ ആയാലോ? മംഗോ പോപ്‌സിക്കിൾസ് എന്നും വിളിക്കാവുന്ന ഈ മംഗോ ബാർ വളരെ എളുപ്പത്തിൽ എങ്ങനെ തയ്യാറാക്കാം എന്ന് നോക്കാം.

പ്രധാന ചേരുവ

1 കപ്പ് തൈര്

പ്രധാന വിഭാവങ്ങൾക്കായി

1/2 കപ്പ് പഞ്ചസാര

2 എണ്ണം മാമ്പഴം

1/4 കപ്പ് ഫ്രഷ് ക്രീം

3 ടീസ്പൂൺ നാരങ്ങാനീര്

Step: 1
ഒരു ബൗളിൽ തൈര് എടുത്ത് പഞ്ചസാരയും ചേർത്ത് നന്നായി അടിച്ചെടുക്കുക. ഇത് ഒരു ബ്ലെൻഡറിൽ എടുത്ത ശേഷം ഇതിലേയ്ക്ക് കഷണങ്ങളാക്കിയ മാമ്പഴം, ഫ്രഷ് ക്രീം, നാരങ്ങാ നീര് എന്നിവ ചേർത്ത് നന്നായി അടിച്ചെടുക്കുക.

മംഗോ ബാർ എളുപ്പത്തിൽ ഉണ്ടാക്കാം

Step: 2

മംഗോ ബാർ തയ്യാറാക്കാനുള്ള മോൾഡിലേയ്ക്ക് ഈ മിശ്രിതം ഒഴിക്കാം. അതിന് ശേഷം സ്റ്റിക്ക് മോൾഡിൽ ഒഴിച്ച മിശ്രിതത്തിലേക്ക് കയറ്റി വെക്കാം.

Step: 3

ഇത് 7 മുതൽ 8 മണിക്കൂർ വരെ ഫ്രിഡ്ജിൽ തണുക്കാൻ അനുവദിക്കുക. ഈ സമയം കൊണ്ട് മംഗോ ബാർ നന്നായി ഉറച്ച് വരും.

Step: 4

നന്നായി കട്ടിയായാൽ മംഗോ ബാർ മോൾഡിൽ നിന്ന് നീക്കം ചെയ്ത് കഴിക്കാം.