വൈകുന്നേരത്തെ ചായക്കൊപ്പം കുറച്ചു വറൈറ്റിയായ ഒരു സ്നാക്സ് പരീക്ഷിച്ചാലോ? കുട്ടികൾക്കൊക്കെ ഇഷ്ടമാവുന്ന രുചികരമായ ചിക്കൻ വട തന്നെയാകാം ഇന്നത്തെ സ്പെഷ്യൽ .തയ്യാറാക്കുന്ന വിധം നോക്കാം.
ചേരുവകൾ
ചിക്കൻ- കാൽ കിലോ
കടലപ്പരിപ്പ്- 50 ഗ്രാം
ചെറുപയർ പരിപ്പ്- 50 ഗ്രാം
സവാള- ഒന്ന്
ഗരം മസാല- ഒന്നര സ്പൂൺ
മഞ്ഞൾപ്പൊടി- അര സ്പൂൺ
പെരുംജീരകം- ഒരു സ്പൂൺ
ഇഞ്ചി, വെളുത്തുള്ളി പേസ്റ്റ്- രണ്ടര സ്പൂൺ
ഉണക്കമുളക്- അഞ്ചെണ്ണം
പച്ചമുളക്- മൂന്നെണ്ണം
കറിവേപ്പില, മല്ലിയില- ആവശ്യത്തിന്
തയ്യാറാക്കുന്ന വിധം
കടലപ്പരിപ്പും ചെറുപയർ പരിപ്പും രണ്ട് മണിക്കൂർ വെള്ളത്തിൽ കുതിർക്കുക. ഉണക്കമുളകും അതിനൊപ്പം കുതിർത്തു വയ്ക്കുക. ഇവ വെളളം കളഞ്ഞ് മാറ്റി വയ്ക്കണം. ചിക്കൻ മഞ്ഞൾപ്പൊടി ഇട്ട് മിക്സിയിൽ അരച്ചെടുക്കുക. ഇതിനൊപ്പം കുതിർത്ത പരിപ്പുകളും ഇട്ട് അരയ്ക്കാം. ഈ പേസ്റ്റിലേക്ക് ഉണക്കമുളക്, ബാക്കി പൊടികൾ, ഇഞ്ചി വെളുത്തുള്ളി പേസ്റ്റ്, പച്ചമുളകും സവാളയും അരിഞ്ഞത് എന്നവ ചേർക്കാം. പാകത്തിന് ഉപ്പും ചേർത്ത് പരിപ്പു വടയുടെ ആകൃതിയിൽ എണ്ണയിൽ പൊരിച്ചെടുക്കുക
Be the first to comment