മീന്‍, മുട്ട, ഇറച്ചി എന്നിവ കഴിക്കാത്ത, വെജിറ്റേറിയന്‍ വിഭാഗത്തില്‍ പെട്ടവര്‍ ധാരാളമുണ്ട്. വൈറ്റമിന്‍ ബി 12, പ്രോട്ടീന്‍, ഒമേഗ ത്രീ ഫാറ്റി ആസിഡുകള്‍ എന്നിവ പ്രധാനമായും നോണ്‍ വെജ് വിഭവങ്ങളില്‍ നിന്നും ലഭിയ്ക്കുന്നു. എന്നാല്‍ മുട്ട വെജ്, നോണ്‍ വെജ് വിഭവങ്ങളില്‍ പെടുന്ന ഒന്നാണ്. ഏറെ ആരോഗ്യം നിറഞ്ഞ മുട്ട പല പോഷകങ്ങളുടേയും ഉറവിടം കൂടിയാണ്. സമീകൃതാഹാരം എന്ന ഗണത്തില്‍ പെടുത്താവുന്ന ഒന്നാണിത്. മുട്ട പോലും കഴിയ്ക്കാത്തവരുണ്ട്. ഇവര്‍ക്ക് പ്രോട്ടീന്‍ കുറവ് ഉണ്ടാകുമെന്ന തോന്നലുമുണ്ടാകും. എന്നാല്‍ മുട്ടയ്ക്ക് പകരം വയ്ക്കാവുന്ന, മുട്ടയേക്കാള്‍ പ്രോട്ടീന്‍ കൂടുതലുളള വെജ് വിഭവങ്ങളുണ്ട്. ഇതെക്കുറിച്ചറിയൂ.
പയർ വർഗ്ഗങ്ങളിൽ
പയർ വർഗ്ഗങ്ങളിൽ പ്രോട്ടീൻ, ഫൈബർ, വിറ്റാമിനുകൾ, ധാതുക്കൾ എന്നിവ ധാരാളമായി അടങ്ങിയിട്ടുണ്ട്. . അര കപ്പ് പയറിൽ 8 ഗ്രാം പ്രോട്ടീൻ അടങ്ങിയിട്ടുണ്ട്. ചില രോഗങ്ങളുടെ സാധ്യത കുറയ്ക്കുന്ന സസ്യ രാസവസ്തുക്കൾ അവയിൽ അടങ്ങിയിട്ടുണ്ട്. അവയ്ക്ക് ഉയർന്ന പോഷകമൂല്യവുമുണ്ട്. കൊഴുപ്പ് കുറഞ്ഞ ഈ ഭക്ഷണം ഇരുമ്പിന്റെ സമ്പുഷ്ടമാണ് ഉറവിടവുമാണ്. അവ ഗ്ലൂറ്റൻ രഹിതവും കൊളസ്ട്രോൾ രഹിതവുമാണ്പയറുകളിൽ അടങ്ങിയിരിക്കുന്ന പ്രോട്ടീനും നാരുകളും വയറ് എപ്പോഴും നിറഞ്ഞിരിക്കുന്നതായി തോന്നിപ്പിക്കുന്നു. ഭാരം കുറയ്ക്കാൻ ആഗ്രഹിക്കുന്നവർ ദിവസവും അൽപം പയർവർഗങ്ങൾ കൂടി ഉൾപ്പെടുത്താവുന്നതാണ്.
കടല
പ്രോട്ടീൻ, ഫൈബർ എന്നിവയുടെ മികച്ച ഉറവിടമായ കടല. ഇതിൽ കുറഞ്ഞ ഗ്ലൈസെമിക് സൂചികയാണുള്ളത്. അരക്കപ്പ് കടലയിൽ എട്ട് ഗ്രാം പ്രോട്ടീൻ അടങ്ങിയിട്ടുണ്ട്. ഫൈബർ, വിറ്റാമിനുകൾ, ധാതുക്കൾ, ഹൃദയാരോഗ്യത്തെ പ്രോത്സാഹിപ്പിക്കുന്ന കൊഴുപ്പ് എന്നിവ കടലയിലുണ്ട്.പ്രോട്ടീൻ ധാരാളമായി അടങ്ങിയിരിക്കുന്ന കടല ഭാരം കുറയ്ക്കാൻ മികച്ച ഭക്ഷണമായി കണക്കാക്കുന്നു. ഇതിൽ ഉയർന്ന അളവിൽ അടങ്ങിയിരിക്കുന്ന നാരുകളുടെ സാന്നിധ്യം നിങ്ങളുടെ അമിതവിശപ്പിനെ തൃപ്തിപ്പെടുത്തുകയും ചെയ്യുന്നു. ഇത് അനാരോഗ്യകരമായ ലഘുഭക്ഷണങ്ങളിൽ നിന്ന് വിട്ടുനിൽക്കാനും അമിതമായി ഭക്ഷണം കഴിക്കുന്നതിനെ തടയാനും സഹായിക്കും.സസ്യാഹാരികളായ ആളുകൾക്ക് അയൺ പോഷകങ്ങളെ നൽകുന്ന ഏറ്റവും മികച്ച ഉറവിടമാണ് കുതിർത്ത കടല.
സോയാബീൻ
മാംസം കഴിക്കാത്ത ആളുകൾക്ക് ആരോഗ്യകരമായ സസ്യ അധിഷ്ഠിത പ്രോട്ടീൻ ഉറവിടം കൂടിയാണ് സോയാബീൻ. ഒരു കപ്പ് സോയാബീനിൽ 29 ഗ്രാം പ്രോട്ടീൻ ഉണ്ടെന്ന് പറയപ്പെടുന്നു.നിങ്ങൾ പേശി വളർത്തുന്നതിനായി വ്യായാമം ചെയ്യുകയാണെങ്കിൽ കഴിക്കാവുന്ന ഫലപ്രദമായ ഭക്ഷണമാണ് ഇത്. .പ്രോട്ടീന്റെ മികച്ച ഉറവിടമാണ് സോയബീൻ. വിവിധ വിറ്റാമിനുകൾ, ധാതുക്കൾ എന്നിവയാൽ സമ്പന്നമാണ് സോയബീൻ. പതിവായി സോയാബീൻ കഴിക്കുന്നത് പ്രോസ്റ്റേറ്റ്, സ്തനാർബുദം എന്നിവയ്ക്കുള്ള സാധ്യത കുറയ്ക്കാനും ആർത്തവവിരാമത്തിന്റെ ലക്ഷണങ്ങളെ ലഘൂകരിക്കുകയും സഹായിക്കുമെന്ന് പഠനങ്ങൾ സൂചിപ്പിക്കുന്നു.അസ്ഥികളുടെ ആരോഗ്യം വർദ്ധിപ്പിക്കുവാനും ഓസ്റ്റിയോപൊറോസിസ് പോലുള്ള രോഗാവസ്ഥകൾക്കുള്ള അപകടസാധ്യത കുറയ്ക്കുന്നതിനും സഹായിക്കുന്ന ഐസോഫ്ലാവോണുകളുടെ ഉറവിടമാണ് സോയാബീൻ.വണ്ണം കുറയ്ക്കാന്‍ തേന്‍ കഴിയ്ക്കുമ്പോള്‍.
പീനട്ട് ബട്ടർ
തൊലി കളഞ്ഞ് ഉണക്കി വറുത്ത കപ്പലണ്ടിയിൽ നിന്ന് ഉണ്ടാക്കുന്ന ഒരു ഉല്പന്നമാണ് പീനട്ട് ബട്ടർ.ആൽമണ്ട് ബട്ടറിൽ മഗ്നീഷ്യം, വൈറ്റമിന്‍ ഇ, പൊട്ടാസ്യം എന്നിവ ധാരാളം അടങ്ങിയിട്ടുണ്ട്.ഹൃദയാഘാതം, രക്താതിമർദ്ദം, പക്ഷാഘാതം, ശ്വാസകോശ സംബന്ധമായ അസുഖങ്ങൾ എന്നിവ കുറയ്ക്കാൻ സഹായിക്കുന്ന ആന്റിഓക്‌സിഡന്റുകൾ ഈ വിഭവത്തിൽ അടങ്ങിയിരിക്കുന്നു. ഇത് നിങ്ങളുടെ എല്ലുകളും പേശികളും ശക്തമാക്കും. ക്യാൻസറിനെ പ്രതിരോധിക്കാൻ സഹായകമായ സെലിനീയം ആൽമണ്ട് ബട്ടറിൽ ധാരാളമുണ്ട്. ആൽമണ്ട് ബട്ടർ ബ്രഡിന്റെയോ പഴങ്ങളുടെയോ പുറത്തു പുരട്ടി കഴിക്കാവുന്നതാണ്.
മത്തങ്ങയുടെ കുരു
മത്തങ്ങയുടെ കുരു ഇത്തരത്തിൽ വളരെ ആരോഗ്യപ്രദമായ ഒന്നാണ്. വിവിധ തരത്തിലുള്ള പോഷകങ്ങളായ മഗ്നീഷ്യം, ചെമ്പ്, പ്രോട്ടീൻ, സിങ്ക് എന്നിവയാൽ 30 ഗ്രാം മത്തങ്ങക്കുരുവിൽ 8.5 ഗ്രാം പ്രോട്ടീൻ അടങ്ങിയിരിക്കുന്നു. ഫൈബർ, സിങ്ക്, ഇരുമ്പ്, പൊട്ടാസ്യം, മഗ്നീഷ്യം, സെലിനിയം എന്നിവയുടെ മികച്ച ഉറവിടമാണ് മത്തങ്ങക്കുരു. മത്തങ്ങക്കുരു കഴിക്കുന്നത് രക്തത്തിലെ പഞ്ചസാരയുടെ അളവ് നിയന്ത്രിക്കാൻ സഹായിക്കുന്നു. ഹൃദയത്തിന്റെ ആരോഗ്യം, പ്രോസ്റ്റേറ്റ് ഗ്രന്ഥിയുടെ ആരോഗ്യം, ചില കാൻസറുകളിൽ നിന്നുള്ള സംരക്ഷണം എന്നിവയെല്ലാം ഇതിൽ ഉൾപ്പെടുന്നു.മത്തങ്ങയുടെ കുരുവിൽ നല്ല അളവിൽ അടങ്ങിയിട്ടുള്ള മഗ്നീഷ്യം എല്ലിന്റെ വികാസത്തിന് വളരെ ആവശ്യമായ ഘടകമാണ്.
Be the first to comment