ഏതൊരു വ്യക്തിക്കും തലവേദന ഉണ്ടാക്കുവാൻ ഇന്നത്തെ തിരക്കേറിയ ജീവിതം മതി. വർദ്ധിച്ചുവരുന്ന ജോലി സമ്മർദ്ദം, ട്രാഫിക്, രാത്രി വൈകി ഉറങ്ങുന്ന സ്വഭാവം, സമ്മർദ്ദം എന്നിങ്ങനെ പല പല കാരണങ്ങൾ കൊണ്ട് തലവേദന ഉണ്ടാകുന്നത് വളരെ സാധാരണമാണ്. ചില ആളുകൾക്ക് ദിവസേന തലവേദന അനുഭവപ്പെടുന്നു.തലവേദന വളരെ അസ്വസ്ഥത ഉളവാക്കുന്നതും, ഒപ്പം പ്രവർത്തിക്കാനുള്ള നിങ്ങളുടെ കഴിവിനെ പരിമിതപ്പെടുത്തുകയും സാധാരണ ദിനചര്യ നടത്തുന്നതിൽ തടസ്സം സൃഷ്ടിക്കുകയും ചെയ്യും. തലവേദനയ്ക്കുള്ള മരുന്നുകളുണ്ടെങ്കിലും, നേരിയ തലവേദനയൊക്കെ പലപ്പോഴും ചില ലളിതമായ പരിഹാരങ്ങൾ ഉപയോഗിച്ച് വീട്ടിൽ തന്നെ ചികിത്സിക്കാം. തലവേദനയെ ചികിത്സിക്കുന്നതിനായി അത്തരം ഫലപ്രദമായ ചില പൊടിക്കൈകൾ ഇതാ.
പലപ്പോഴും, വേണ്ടത്ര ഉറക്കം ലഭിക്കാത്തത് തലവേദനയ്ക്ക് ഒരു സാധാരണ കാരണമാണ്. നിങ്ങളുടെ തലവേദന ഒഴിവാക്കാൻ ദിവസവും 7-9 മണിക്കൂർ മതിയായ ഉറക്കം നേടുക.
അവശ്യ എണ്ണകൾ വേദന കുറയ്ക്കുകയും ഞരമ്പുകളെ ശാന്തമാക്കുകയും ചെയ്യും. നിങ്ങളുടെ തലവേദന ഭേദമാക്കാൻ കർപ്പൂര തുളസി അല്ലെങ്കിൽ ലാവെൻഡർ പോലുള്ള എണ്ണകൾ ഉപയോഗിച്ച് അരോമാതെറാപ്പി അഥവാ സുഗന്ധ ചികിത്സ പരീക്ഷിക്കുക.
ചായ അല്ലെങ്കിൽ കാപ്പി പോലുള്ള കഫീൻ അടങ്ങിയിരിക്കുന്ന ഒരു പാനീയം കുടിക്കുന്നത് നിങ്ങളുടെ മാനസികാവസ്ഥയെ ഗണ്യമായി മെച്ചപ്പെടുത്തുകയും തലവേദന ഒഴിവാക്കുകയും ചെയ്യും.
നിങ്ങളുടെ തലവേദന സമ്മർദ്ദവും പിരിമുറുക്കവും കാരണമാകാം ഉണ്ടാകുന്നത്. ഇങ്ങനെയാണെങ്കിൽ, നിങ്ങളുടെ ഞരമ്പുകൾക്ക് വിശ്രമമേകുവാൻ കുറച്ച് മിനിറ്റ് നിങ്ങളുടെ നെറ്റിയിലും നെറ്റിയുടെ വശങ്ങളിലുമായി മസാജ് ചെയ്യാൻ ശ്രമിക്കുക.
മൈഗ്രേൻ വേദന കുറയ്ക്കുന്നതിന് നെറ്റിയിൽ ഒരു തണുത്ത തുണി ഇടാൻ വിദഗ്ദ്ധർ ശുപാർശ ചെയ്യാറുണ്ട്. ഒരു സമ്മർദ്ദം മൂലമുണ്ടാകുന്ന തലവേദന വരുമ്പോൾ, പ്രശ്ന ബാധിത പ്രദേശത്ത് ഒരു ചൂട് പിടിക്കുന്ന ഹീറ്റിങ് പാഡ് ഉപയോഗിക്കാൻ നിർദ്ദേശിക്കുന്നു.
Be the first to comment