ഇന്റർനെറ്റ് ഇല്ലാതെ ജീവിക്കാൻ പറ്റാത്ത സ്ഥിതിയിലേയ്ക്ക് മാറുകയാണ് ഈ ലോകം തന്നെ . സ്ട്രീമിങ്, ഇന്റർനെറ്റ് സർഫിങ്, സമൂഹ മാധ്യമങ്ങൾ ഇല്ലാത്ത ഒരു അവസ്ഥയെ പറ്റി ചിന്തിക്കാൻ പോലും പറ്റില്ല എന്ന് പറഞ്ഞാൽ ഒട്ടും തന്നെ അതിശയിക്കാനില്ല . ഇന്റർനെറ്റിന്റെ ഉപയോഗം കൂടിയതോടെ ഇന്റർനെറ്റ് തട്ടിപ്പുകളിൽ ചെന്നുപെടുന്നവരും ധാരളമാണ്. ഈ സാഹചര്യത്തിലാണ് എങ്ങനെ ഓൺലൈനിൽ സുരക്ഷിതരാവാം എന്ന് നോക്കാം, ഇവ ശ്രദ്ധിക്കൂ
മറ്റൊരാൾക്ക് എളുപ്പത്തിൽ കണ്ടെത്താൻ സാധിക്കാത്ത സങ്കീർണമായ പാസ്‌വേഡ് ഉപയോഗിക്കുക. ഉദാഹരണമായി (TOYOTA, MONKEY, JUPITER) എന്നീ വാക്കുകൾ ഉപയോഗിച്ച് പാസ്സ്‌വേർഡ് ‘tOyOt4mOnk3yyjupi73r’ ഇങ്ങനെ തയ്യാറാക്കാം.
നിങ്ങൾ സമൂഹ മാധ്യമങ്ങളിൽ പോസ്റ്റ് ചെയ്യുന്ന ഫോട്ടോകളിൽ, ജിപിഎസ് ലൊക്കേഷനുകൾ, ലാൻഡ്മാർക്ക്, വീട്, വാഹനങ്ങളുടെ നമ്പർ തുടങ്ങിയവ പരമാവധി ഒഴിവാക്കുക.
കൂടുതൽ സുരക്ഷിതമായ ഓപ്പൺ സോഴ്സ് സോഫ്റ്റ്‌വെയറുകൾ ഉപയോഗിക്കുക. ഫയർഫോക്സ്, ഓപ്പൺ ഓഫീസ്, വിഎൽസി മീഡിയാ പ്ലേയർ, ലിനക്സ് തുടങ്ങിയവ ഉപയോഗിക്കുക.
നിങ്ങൾ ശരിയായ വെബ്സൈറ്റിലേക്ക് ആണ് കണക്ട് ചെയ്യുന്നതെന്ന് ഉറപ്പുവരുത്തുക. അഡ്രസ് ബാറിൽ യുആർഎൽ ‘https://’ ഇങ്ങനെ തുടങ്ങുന്ന വെബ്‌സൈറ്റ് ആണ് തുറക്കുന്നത് എന്നുറപ്പിക്കുക.
ഒരു ഫയർവാൾ ആപ്ലിക്കേഷൻ ഉപയോഗിക്കുക. നിങ്ങളുടെ ഫോണിൽ ഒരു ഫയർവാൾ ആപ്ലിക്കേഷൻ ഉപയോഗിച്ച് ആവശ്യമുള്ള ആപ്പുകൾക്ക്‌ മാത്രം ഇൻറർനെറ്റ് നൽകുക.
പൈറേറ്റഡ് സോഫ്റ്റ്‌വെയർ ഉപയോഗിക്കാതെ വിലകൊടുത്ത് വാങ്ങി ഒറിജിനൽ മാത്രം ഉപയോഗിക്കുക. ഓപ്പൺസോഴ്സ് സോഫ്റ്റ്‌വെയർ നിങ്ങൾക്ക് തിരയാൻ “Opensource media player”, Opensource camera app” എന്ന കീ വേർഡ്‌കൾ ഉപയോഗിക്കുക.
ആപ്ലിക്കേഷനുകൾ ഡൗൺലോഡ് ചെയ്യുന്നതിൽ ശ്രദ്ധിക്കുക. ആപ്ലിക്കേഷനുകളുടെ വ്യവസ്ഥകൾ, അനുമതികൾ, നിബന്ധനകൾ എന്നിവ നിർബന്ധമായും വായിക്കുക.
ഗെയിമുകൾ ഉപയോഗിക്കുമ്പോൾ ശ്രദ്ധിക്കുക. നിങ്ങളുടെ വ്യക്തിപരമായ വിവരങ്ങൾ ഇതിൽ ആവശ്യപ്പെട്ടാലും നൽകാതിരിക്കുക. അല്ലെങ്കിൽ തെറ്റായ വിവരങ്ങൾ നൽകുക.
വീഡിയോകോൾ ചെയ്യുമ്പോൾ ശ്രദ്ധിക്കുക. കാരണം ചാറ്റുകളും, വീഡിയോ കോളുകളും റെക്കോർഡ് ചെയ്യാനാകും. പിന്നീട് ദുരുപയോഗപ്പെടുത്തവനുള്ള സാദ്ധ്യതയുമുണ്ട്.
സ്വിച്ച് ഓഫ് ചെയ്യാൻ പഠിക്കുക. വിഷാദവും, സോഷ്യൽ മീഡിയയും തമ്മിൽ ബന്ധമുണ്ടെന്ന് പഠനങ്ങൾ തെളിയിച്ചിട്ടുണ്ട്. സങ്കടപ്പെട്ട് ഇരിക്കുമ്പോൾ മറ്റുള്ളവരുടെ സന്തോഷകരമായ നിമിഷങ്ങൾ കാണുമ്പോൾ നമ്മൾ കൂടുതൽ വിഷാദത്തിലേക്ക് വീഴും. അതുകൊണ്ടുതന്നെ മനസിന്റെ സന്തോഷത്തിനായി ചിലപ്പോൾ ഓഫ്‌ലൈൻ ആവുന്നത് നല്ലതാണ്. ഈ സമയത്ത് പുസ്തകങ്ങൾ വായിക്കുക, സംഗീതം കേൾക്കുക, പ്രകൃതിയുമായി സമയം ചിലവിടുക എന്നിവ ചെയ്യുക. അങ്ങനെ സ്വയം മനസ്സിനെ ശാന്തമാക്കുക.
വ്യക്തിഗത ഫോട്ടോകൾ എൻക്രിപ്റ്റ് ചെയ്ത ഫോൾഡറുകളിൾ സൂക്ഷിക്കുക.
തെളിവുകൾ സംരക്ഷിക്കുക. അനാവശ്യമായ ആളുകളിൽ നിന്ന് ലൈംഗികച്ചുവയുള്ള നിർദ്ദേശങ്ങളോ, സന്ദേശങ്ങളോ കിട്ടിയാൽ ഉടൻതന്നെ ഡിലീറ്റ് ചെയ്യാതെ സ്ക്രീൻ ഷോട്ട് എടുത്ത് തെളിവിനായി സൂക്ഷിക്കുക.
ഓൺലൈൻ ചതികുഴിൽ പെട്ടാൽ നാണക്കേട് വിഷയമാക്കാതെ സഹായം ആവശ്യമായി വന്നാൽ എത്രയും പെട്ടെന്ന് തന്നെ സുഹൃത്തുക്കളുടെയോ, വീട്ടുകാരുടെയോ, പോലീസുകാരുടെയോ സമീപിക്കുക.
ഉപയോഗത്തിലില്ലാത്തപ്പോൾ ഫോണിലെ ബ്ലൂടൂത്തും, വൈ-ഫൈയും ഓഫാക്കുക.
ഓൺലൈൻ അക്കൗണ്ട്‌കളിൽ ടു-സ്റ്റെപ് ഓതന്റിക്കേഷൻ ഫീച്ചർ ഉപയോഗിക്കുക.
അധിക പരിരക്ഷയ്ക്കായി, ഫോണിലെ സ്ക്രീൻ ലോക്കുചെയ്യുക.
ഈ കാര്യങ്ങൾ ഒക്കെ ശ്രദ്ധിച്ചാൽ ഓൺലൈൻ തട്ടിപ്പികളിൽ നിന്നും ഒരു പരിധിവരെ രക്ഷനേടാം.
Be the first to comment