വീടിനുള്ളിൽ അടിമുടി മാറ്റം വരുത്തുവാൻ ആർക്കാനിഷ്ടമല്ലാത്തത് .വീടിനുള്ളിലെ ചെറിയ മാറ്റം പോലും പുതിയൊരു ഫ്രഷ് ഫീൽ കൊണ്ടുവരും .വീടിനുള്ളിൽ പെട്ടെന്നൊരു മാറ്റം കൊണ്ടുവരാനായി, ഒരു എളുപ്പമാർഗമുണ്ട്. വീടിനുള്ളിലെ ഭിത്തികൾക്ക് ഒന്ന് മേക്കോവർ വരുത്തിയാൽ മതി. ഭിത്തിയുടെ നിറമോ, വാൾഡെക്കറേഷനോ, ചിത്രമോ ഒന്ന് മാറ്റി നോക്കൂ. വീട് അടിമുടി മാറുന്നത് കാണാം.
I) ഭിത്തിയിൽ വലിയ ഒറ്റചിത്രം വയ്ക്കാം. ചെറിയ റൂമാണെങ്കിൽ വലിയ ബ്ലാക്ക് ആൻഡ് വൈറ്റ് ചിത്രം മുറിയിലെ ഏതെങ്കിലും ഒരു വാളിൽ തൂക്കാം. മുറിക്ക് വൈബ്രന്റ് ലുക്ക് നൽകാൻ ഇത് മതി.
II) കിടപ്പുമുറിയുടെ ഒരു ഭിത്തിയിൽ ഫ്ളവർ പ്രിന്റഡോ പാറ്റേണുകളോ ഉള്ള ഒരു വാൾ ഹാങിങ് തൂക്കാം. മൂഡി ലുക്കുള്ള റൂമിനെ എനർജെറ്റിക്കാക്കാൻ ഇത് മതി.
III) ചെറിയമുറിയെ കൂടുതൽ വലിപ്പമുള്ളതും വെളിച്ചമുള്ളതുമായി തോന്നിക്കണോ, ഓവർ സൈസിലുള്ള മിറർ തൂക്കിയാൽ മതി. അല്ലെങ്കിൽ സലൂണുകളിലെ പോലെ ചെറിയ ചെറിയ മിററുകൾ ധാരാളം വയ്ക്കാം.
IV) മ്യൂറൽ പെയിന്റിങുകൾ എക്കാലവും പ്രിയപെട്ടവയാണ്. മുറിയിലെ ഒരു ഭിത്തിയിലോ, എല്ലാ ഭിത്തിയിലുമോ പകുതി വരെയോ ഇങ്ങനെ ഇഷ്ടം പോലെ മ്യൂറൽ ചെയ്യാം.
V) ഒരു ഗാലറിവാൾ ഉണ്ടാക്കിയാലോ. പല വലിപ്പത്തിലുള്ള ഫോട്ടോ ഫ്രെയ്മുകൾ തൂക്കാം. സീലിങിലേയ്ക്കും പടരുന്നതുപോലെ ഫ്രെയ്മുകൾ വച്ചാൽ മുറിയ്ക്ക് കൂടുതൽ വലിപ്പം തോന്നും.
VI) ഒരു ജനാലയുടെയോ ഷെൽഫിന്റെയോ ചുറ്റുമുള്ള ഭിത്തി കുറച്ച് കളർഫുൾ ആക്കിയാലോ. പാറ്റേണുകളുള്ള വാൾപേപ്പറോ വൈബ്രന്റ് കളർ പെയിന്റൊ ചിത്രങ്ങളോ ഉപയോഗിക്കാം.
VII) ഫ്ളോട്ടിങ് ഷെൽഫുകൾ ഭിത്തിയിൽ മേക്കോവർ വരുത്താനുള്ള മികച്ച മാർഗമാണ്. ഇവയിൽ പുസ്തകങ്ങളോ, ആന്റിക് പീസുകളോ ബുക്കുകളോ എന്തും വയ്ക്കാം. ബോക്സ് ഷെൽഫുകളും നല്ലതാണ്.
VIII) ഡൈനിങ് റൂം വാളിൽ ചൈനാ പ്ലേറ്റുകൾ തൂക്കുന്നതും ഭംഗിയാണ്. പലവലിപ്പത്തിലുള്ളവ തൂക്കാം.
IX) ലിവിങ് റൂമിൽ വാൾ ഗാർഡനായാലോ. ഫേൺസ് പോലുള്ള ചെടികൾ വളർത്താം. ജീവൻ തുടിക്കുന്ന മുറികളാക്കാൻ ഇത് മതി.
X) ഭിത്തിയിൽ പലതരം തൊപ്പികൾ തൂക്കാം. ഒന്നിച്ചോ, ഓരോന്നായോ ഇവ വയ്ക്കാം. ഒരു കൗബോയ് റൂം പോലെ തോന്നാൻ ഈ മേക്കോവർ ഐഡിയ പരീക്ഷിക്കാം.
Be the first to comment