ഭിത്തി കനം കുറച്ചു കെട്ടിയതും, റെഡിമെയ്ഡ് ലൂസ്ഫര്‍ണിച്ചര്‍, അലൂമിനിയം കോംപോസിറ്റ് പാനലുകള്‍ എന്നിവയുടെ ഉപയോഗവും ചെലവു ചുരുക്കി.
കേവലം 10 മീറ്റര്‍ മാത്രം വീതിയുള്ള മുന്നിലും ഇരുവശങ്ങളിലും റോഡുകളുള്ള നീളന്‍ പ്ലോട്ടില്‍ മിനിമം സെറ്റ് ബാക്ക് നിയമങ്ങള്‍ പാലിച്ചു കൊണ്ട് വീടൊരുക്കുക എന്നത് വെല്ലുവിളിയായിരുന്നു.
വീട്ടുടമയായ എഞ്ചിനീയര്‍ ജിതേഷ് കെ.ആര്‍, സഹ എഞ്ചിനീയറായ സോണി ഐ.പി. (യൂണീക്ക് ബില്‍ഡേഴ്സ് & ഇന്‍റീരിയേഴ്സ്, തൃശൂര്‍) എന്നിവരാണ് ഈ വീടൊരുക്കിയത്.
സമകാലിക ശൈലിക്കിണങ്ങുന്ന ബോക്സ് മാതൃകകളും ജിഐ പൈപ്പ് വര്‍ക്കുമാണ് വൈറ്റ് ആഷ് നിറക്കൂട്ടിലുള്ള എലിവേഷനില്‍ എടുത്തു നില്‍ക്കുന്നത്.
RELATED READING: സുന്ദരമാണ് ക്രിയാത്മകവും
പൂമുഖം, ഫോയര്‍, ലിവിങ്, ഡൈനിങ്, കോര്‍ട്ട്യാര്‍ഡ്, കിച്ചന്‍, രണ്ട് വര്‍ക്കേരിയകള്‍, മൂന്ന് ബാത് അറ്റാച്ച്ഡ് ബെഡ്റൂമുകള്‍ എന്നിവയാണ് വീട്ടിനകത്തെ സൗകര്യങ്ങള്‍.
സിഎന്‍സി വര്‍ക്കാണ് ‘L’ ഷേപ്പ് ലിവിങ്ങിലെ ടിവി യൂണിറ്റിലും വശത്തെ ഭിത്തിയിലുമുള്ളത്. പെബിള്‍സിട്ടും കൃത്രിമ പുല്‍ത്തകിടി ഒരുക്കിയും അലങ്കരിച്ച കോര്‍ട്ട്യാര്‍ഡാണ് ലിവിങ്, ഡൈനിങ് ഏരിയകള്‍ക്കിടയില്‍ വിഭജനം തീര്‍ക്കുന്നത്.
YOU MAY LIKE: അതിഭാവുകത്വമില്ലാതെ
കോര്‍ട്ട്യാര്‍ഡിന്‍റെ സ്കൈലിറ്റ് സീലിങ്ങില്‍ പര്‍ഗോള നല്‍കി ടഫന്‍ഡ് ഗ്ലാസിട്ടിരിക്കുകയാണ്. സ്വകാര്യത മുന്‍നിര്‍ത്തി കോര്‍ട്ട്യാര്‍ഡിന്‍റെ പിന്നിലാണ് വാഷ് ഏരിയയ്ക്കിടം കണ്ടത്.
ടെക്സ്ചര്‍ പെയിന്‍റ് ചെയ്തും നിഷുകള്‍ ഉള്‍പ്പെടുത്തിയുമാണ് ഡൈനിങ്ങിലെ ചുമര്‍ ഹൈലൈറ്റ് ചെയ്തത്. അകത്തളത്തിലുടനീളമുണ്ട് ജിപ്സം സീലിങ്.
YOU MAY LIKE: ഉള്ളതുകൊണ്ട് എല്ലാം
പൂമുഖത്തിന്‍റെ വലതു വശത്തുള്ള കിടപ്പുമുറിയിലേക്ക് ഫോയറിലൂടെയാണ് പ്രവേശനം.
ഈ കിടപ്പുമുറിക്കനുബന്ധമായുള്ള ശുചിമുറിയുടെ ഭിത്തി ടെക്സ്ചര്‍ പെയിന്‍റ് ചെയ്ത് ഹൈലൈറ്റ് ചെയ്തത് ശ്രദ്ധേയമാണ്. കടുംനിറത്തിലുള്ള പെയിന്‍റും ജിപ്സവും ഉപയോഗിച്ചാണ് കിടപ്പുമുറികളുടെ ഹെഡ്സൈഡ് വാളുകള്‍ ഹൈലൈറ്റ് ചെയ്തിരിക്കുന്നത്.
RELATED READING: കാലികഭംഗിയോടെ
എം.ഡി.എഫില്‍ തീര്‍ത്ത് ലാമിനേറ്റ് ഫിനിഷ് നല്‍കിയവയാണ് ഇവിടുത്തെ വാഡ്രോബുകള്‍. അലൂമിനിയം കോംപോസിറ്റ് പാനലുകളാണ് കിച്ചന്‍ കബോര്‍ഡുകളുടെ നിര്‍മ്മാണ സാമഗ്രി.
കരിങ്കല്ലുകൊണ്ട് അടിത്തറയും സിമന്‍റ് കട്ടകള്‍ കൊണ്ട് 9 ഇഞ്ച് കനത്തില്‍ ഭിത്തിയും കെട്ടിയിരിക്കുന്നു. പൂമുഖത്ത് നിന്ന് വിവിധ ഇടങ്ങളിലേക്ക് നയിക്കുന്ന പാസേജുകള്‍, കിച്ചന്‍, വര്‍ക്കേരിയകള്‍ എന്നിവിടങ്ങളില്‍ വുഡന്‍ ടൈല്‍ ഫ്ളോറിങ്ങാണ്.
മറ്റിടങ്ങളില്‍ ചെയ്ത വിട്രിഫൈഡ് ടൈല്‍ ഫ്ളോറിങ്ങിന് ഇപോക്സി ഫിനിഷും നല്‍കി. ഇരുമുള്ളാണ് തടിപ്പണികള്‍ക്ക് പ്രധാനമായും ഉപയോഗിച്ചത്.
RELATED READING: ടോട്ടല്‍ കന്റംപ്രറി
റെഡിമെയ്ഡ് ലൂസ് ഫര്‍ണിച്ചറാണ് അകത്തളത്തിലുടനീളം വിന്യസിച്ചത്. അകത്തളാലങ്കാരമുള്‍പ്പെടെ 30 ലക്ഷത്തിനാണ് വീട് പൂര്‍ത്തീകരിച്ചത്.
Project Highlights
- Engineers: Jithesh K.R & Sony I.P (Unique Builders & Interiors, Thrissur)
- Project Type: Residential house
- Owner: Jithesh K.R
- Location: Irinjalakkuda
- Year Of Completion: 2019
- Area: 1480 Sq.Ft
വീടും പ്ലാനും പുതിയ ലക്കം വിപണിയില്‍. ഡിജിറ്റല്‍ കോപ്പി മാഗ്സ്റ്ററില്‍ വായിക്കാന്‍ ഇവിടെ ക്ലിക് ചെയ്യുക. പ്രിന്റ് കോപ്പി സബ്‌സ്‌ക്രൈബ് ചെയ്യാന്‍ ഇവിടെ ക്ലിക് ചെയ്യുക.
Be the first to comment