നാവിൽ കപ്പലോടും കടല മിഠായി ഇനി വീട്ടിൽ തന്നെ മിനിറ്റുകൾക്കുള്ളിൽ തയ്യാറാക്കാം. പ്രായമോ പദവിയോ വ്യതാസമില്ലാതെ എല്ലാവരും ഇഷ്ടപ്പെടുന്ന ഒന്നാണ് കടല മിഠായി. നിലക്കടലയും ശർക്കരയും നെയ്യും ചേർന്ന രുചി എക്കാലവും പ്രിയപ്പെട്ടതാണ്. എക്കാലവും പ്രിയപ്പെട്ട ഈ കടല മിഠായി വെറും മിനിറ്റുകൾക്കുള്ളിൽ എങ്ങനെ തയ്യാറാക്കാം
പ്രധാന ചേരുവകൾ
1 കപ്പ് പച്ച നിലക്കടല
3/4 കപ്പ് ശർക്കര
1 ടീസ്പൂൺ നെയ്യ്
ആവശ്യത്തിന് വെള്ളം
തയാറാക്കേണ്ട വിധം
അടിവശം കട്ടിയുള്ള ഒരു പാനിൽ 2 കപ്പ് നിലക്കടല ചേർത്ത് കുറഞ്ഞ തീയിൽ വറുത്തെടുക്കുക. തുടർച്ചയായി ഇളക്കുക, അല്ലെങ്കിൽ ഏതെങ്കിലും ഭാഗം കരിഞ്ഞുപോകാൻ സാധ്യതയുണ്ട്.
നിലക്കടല വറുത്തുകഴിഞ്ഞാൽ തണുപ്പിച്ച് തൊലി നീക്കം ചെയ്യാം. ചെറിയ രീതിയിൽ കടല പൊടിച്ചെടുക്കുന്നത് രുചി വർദ്ധിപ്പിയ്ക്കും.
ഒരു പാനിൽ 1½ കപ്പ് ശർക്കര എടുത്ത് 2 ടീസ്പൂൺ വെള്ളം ചേർത്ത് ശർക്കര ഉരുകുന്നത് വരെ ഇളക്കുക.
ശർക്കര പാനി കട്ടിയാകുന്നതു വരെ 5 മിനിറ്റ് കുറഞ്ഞ തീയിൽ തിളപ്പിക്കുക. തീ കുറച്ച ശേഷം വറുത്ത നിലക്കടല ചേർത്ത് ഇളക്കുക, ഇനി ശേഷം തീ ഓഫ് ചെയ്യാം
ഇനി അല്പം നെയ്യ് അല്ലെങ്കിൽ എണ്ണ ഉപയോഗിച്ച് ഒരു പ്ലേറ്റ് ഗ്രീസ് ചെയ്യുക. തയ്യാറാക്കി വെച്ച ശർക്കര, നിലക്കടല മിശ്രിതം പ്ലേറ്റിലേക്ക് മാറ്റുക. ഇത് പ്ലേറ്റിൽ തുല്യമായി പരത്തുക. ഒരു മിനിറ്റ് തണുപ്പിക്കാൻ അനുവദിക്കുക, ശേഷം ഇഷ്ടമുള്ള രീതിയിൽ കത്തി ഉപയോഗിച്ച് മുറിയ്ക്കുക. ഇത് പൂർണ്ണമായും തണുത്തുകഴിഞ്ഞാൽ കഴിയ്ക്കാം. എയർടൈറ്റ് കണ്ടെയ്നറിൽ സൂക്ഷിയ്ക്കുകയാണെങ്കിൽ ഒരു മാസം വരെ കേടു കൂടാതെ സൂക്ഷിക്കാം.
Be the first to comment